દ્વારકાધીશ મંદિરમાં ડ્રેસ કોડ લાગુ: ફાટેલા અને ટુંકા કપડા કે નાઈટ સૂટ પહેરીને પ્રવેશ નહીં મળે...

દેશના અનેક મંદિરોમાં ડ્રેસ કોડ લાગુ થયા બાદ હવે ગુજરાતના પ્રખ્યાત દ્વારકાધીશ મંદિરમાં પણ ભક્તોના ડ્રેસને લઈને મોટો નિર્ણય લેવામાં આવ્યો છે. મંદિર ટ્રસ્ટના નિર્ણય મુજબ, હવેથી કોઈ પણ ભક્ત ટૂંકા કપડા કે ફાટેલા કપડા પહેરીને મંદિરમાં પ્રવેશ નહીં કરી શકે.

મંદિર ટ્રસ્ટ તરફથી પ્રાપ્ત માહિતી અનુસાર જગત મંદિર દ્વારકાની ગરિમા જાળવવા માટે ભારતીય સંસ્કૃતિ મુજબના વસ્ત્રો પહેરવા પડે છે. મંદિરની બહાર ડ્રેસ કોડ અંગે ગુજરાતી-હિન્દી-અંગ્રેજી ભાષામાં ગાઈડલાઈન લખેલા બોર્ડ પણ લગાવવામાં આવ્યા છે.

આવા કપડાં પહેરનારને ‘નો એન્ટ્રી’

મંદિરની બહાર ગાઈડલાઈન લખેલા બોર્ડ પર લખેલું છે કે, મંદિર દર્શન માટેનું સ્થળ છે, પોતાના પ્રદર્શન માટે નહીં. મંદિરમાં આવનારા તમામ ભક્તોને સાદા કપડા પહેરીને જ નીજ મંદિરમાં પ્રવેશ કરવા વિનંતી છે. ટૂંકા વસ્ત્રો, હાફ પેન્ટ, બર્મુડા, મિની ટોપ, મિની સ્કર્ટ, નાઈટ સૂટ, ફ્રોક્સ અને ફાટેલા જીન્સ પહેરેલા લોકોને મંદિરમાં પ્રવેશ આપવામાં આવશે નહીં.

READ ALSO:

►પોઝિટિવ વાતાવરણ માટે ઘરમાં લગાવો આ 8 છોડ, સુખ-સમૃદ્ધિ સાથે આવકમાં થશે વધારો...

►તુલસીના કુંડમાં આ વસ્તુ પધરાવવાથી રાત-દિવસ ઘરમાં વધશે પૈસા, દૂર થશે દરિદ્રતા...

આ અંગે ટ્રસ્ટી પાર્થ તલસાનિયાએ જણાવ્યું હતું કે, મંદિરમાં આવતા અનેક ભક્તોની ફરિયાદ બાદ જ આ નિર્ણય લેવામાં આવ્યો છે. આ વખતે ઘણા લોકોએ કહ્યું કે આવા કપડા પહેરવાથી અન્ય ભક્તોનું ધ્યાન ભટકાય છે. સાથે જ આપણી સંસ્કૃતિ મુજબ આવા વસ્ત્રો યોગ્ય પણ નથી. જેના કારણે હવે દેશના અન્ય મંદિરોની સાથે દ્વારકાધીશ મંદીરમાં ડ્રેસ કોડ લાગુ કરવામાં આવ્યો છે.

મથુરાના રાધા-રાણી મંદિરમાં ડ્રેસ કોડ

તાજેતરમાં જ મથુરાના રાધા રાણી મંદિરમાં પણ ડ્રેસ કોડ લાગુ કરવામાં આવ્યો છે. આ પછી યુપી, મધ્યપ્રદેશના ઘણા મંદિરોમાં આ જ નિયમ લાગુ કરવામાં આવ્યો છે. મંદિરોમાં ભક્તોને હિન્દુ સંસ્કૃતિનું પાલન કરવા વિનંતી કરવામાં આવી રહી છે. એટલા માટે તેમને યોગ્ય કપડાં પહેરવાનું કહેવામાં આવી રહ્યું છે.

(Home Page- gujju news channel)

Latest Gujarati News, તાજા ગુજરાતી સમાચાર, Latest Gujarati News LIVE, Online Gujarati News, Gujarati news headlines today, Gujarati News Channel - Gujarat Dwarkadhish News